"شوارعنا بتصير مثل بنجلاديش".. بالفيديو: طارق الحربي يعلق على زيادة حوادث دبابات التوصيل في الرياض ويكشف عددها في اليوم الواحد

صحيفة المرصد: علق الإعلامي طارق الحربي، على ظاهرة حوادث دبابات التوصيل في الرياض، مشيراً إلى التهديد الذي يمثله ارتفاع معدل هذه الحوادث.

وقال الحربي خلال برنامج طارق شو :"الحوادث تتكرر كل يوم مرتين أو 4، في السليمانية تشوف دباب منطرح، في الدايري تشوف دباب، وعند الإشارة، طول يومك لازم تشوف دباب متشقلب".

وأضاف :"غير النكبة اللي يسويها الدباب هذا إذا دعس أحد أو صدم أحد، ويدخل في دية ومتاهة مالها أول ولا آخر، لأن الموضوع قاعد يقلب حبة حبة تصير شوارعنا مثل بنجلاديش".

وتابع :"دبابات التوصيل صايرة تهديد للمركبات في الشوارع، يعني أمس وأنا راجع للبيت من طريق خريص حتى مخرج 13 والدباب جنبي بسرعة رهيبة، هذا إيش يوصل؟، المنطقة ذي ما فيها مطاعم".

واستطرد :"في كل مكان تدخله صف الدبابات واقف أمامه ما تجد مواقف من كثر الدبابات، صارت زرايب، وأنت في حي الواحة تطلب من المطعم يجيك من حي الورود، طيب فيه فرع في الواحة أو صلاح الدين".