بالفيديو.. صاحب أشهر مطعم في مصر صبحي كابر يكشف سبب بيع مطعمه.. ويعلق: "اتنصب عليا والناس ذلتني"

صحيفة المرصد: كشف صاحب سلسلة المحلات المشهورة في مصر الحاج صبحي كابر، تفاصيل ما حدث معه حتى اضطر إلى بيع مطعمه.

صفقة ذرة للمواشي 

وقال صبحي كابر، إنه يحب العمل ولا يريد لأولاده العيش في ظروف صعبة، معلقا: "كنت بجيب وأشتري ذرة للتسمين وكعلف للمواشي التي عندي في مزرعتي، ممكن أجيب 500 طن ذرة، والحمد لله المرزعة فيها 4 أو 5 آلاف رأس".

الطمع في المكسب 

وأضاف: "في شخص جاء لي وقال الذرة دلوقتي بـ 4 جنيهات للكيلو، والذرة سعره هيزيد عشان كانت لسه الحرب الروسية الأوكرانية في بدايتها، وقال لي الذرة سيرتفع سعره كثيرًا وسيتخطى 6 جنيهات للكيلو، يعني هنعمل فلوس أد كده، وأنا طمعت".

نصب في مركب ذرة

وتابع: "كان معايا قرشين وبعت ذهب زوجتي وبعض الممتلكات واستلفت فلوس من جماعة أصدقاء لي، ودخلت في موضوع مركب الذرة، لكن الشخص ده طلع ناصب على نص مصر كلها وخلع وراح دبي بعد ما أخد الفلوس".

وأكمل: "معرفتش أوصل له من الآخر، المهم خدت من الناس فلوس كتير، والمحل بعدها اتحرق وقامت حريقة، احتجت فلوس تاني عشان أوضب، وكان عليّ فلوس، وكانت مرحلة قاسية جدا".

ديون 125 مليون 

وأكمل: "استلفت من الناس حوالي 75 مليون جنيه سلف من الناس، عملوا فائدة بقوا 125 مليون جنيه، وبعدها عرضت المحل للبيع".

بيع المطعم 

وواصل: "كلمت صاحب براند شهير في المطاعم عشان يشتري المحل، وكان لهم فلوس عندي، دخلوا وخدوا المحل، واتفقنا وعملوا شركة سموها الأكابر رغم إن شركتي اسمها الكابر، واختلفنا روحت اتخانقت معاهم".

اتفاقات البيع 

وأردف: "اتفقت معاهم ياخدوا لحمة للمحل من عندي، بقى يجيب نص اللحمة من بره والنصف الثاني مني، وقالي متتدخلش، وبقيت كومبارس في المحل، أروح أعمل فيديوهات ليهم، وبقيت شغال معاهم، عشان عندي دورة للمزرعة، وقلت ربنا له حكمة، يذل من يشاء ويعز من يشاء".

تغيير الاتفاق 

واختتم حديثه: "اشتغلت معاهم في العيد شغل "معجنة"، ندبح 100 عجل، وأديهم اللحمة بـ 260 جنيها للكيلو "متشفي"، وهم يبيعوها بـ360 جنيها، وبعد العيد قطع معايا، بقى يجيب لحمة وخامات من بره، وأنا عامل كل ده عشان المحل، وبقى يشتري من بره، ويقعدوا يفاصلوا معايا".