بالفيديو.. الفنانة السورية منى واصف تكشف لأول مرة تفاصيل يوم وفاة المخرج مصطفى العقاد في انفجار الفندق الذي يقيم فيه بالأردن .. وردة فعلها عند تشييعه التي فاجأت الجميع

صحيفة المرصد: روت الفنانة السورية منى واصف تفاصيل لحظات وفاة المخرج السوري مصطفى العقاد في الأردن إثر هجوم تفجيري توفي على إثره هو وابنته.

وقالت واصف خلال لقائها في برنامج "بيق تايم" : كنت بالبيت وبفتح التلفزيون بلاقيه بقلب المستشفى، وعم بيقولوا إنه بيحضر عرس بأحد الفنادق وبنته جاية من لبنان لتشوفه، وقدامه تفجرت، وهو بيحبها كتير لبنته، أنا شفت هالشوفة ما بتعرف شو صار فيني، صار شي مو طبيعي، المهم دقوا لي تليفون ما أعرف أي محطة أخذوا مني حديث، أنا ركبت سيارة ورحت لعمان بالأردن.

وتابعت: رحت شفت الفنادق، 5 فنادق فجروها والله في فندق من الفنادق كان اللحم معلق على الحيطة، ما نظفوه لسه، شو هاد الإجرام؟ واحد عمل فيلم عن الإسلام بأي حق يتفجر؟!.

وأضافت: جاء العقاد محمل من عمان أخذناه على حلب، ودفناه لأنه كان موصي يندفن بحلب، ورجعت تاني يوم قالولي بدك تحكي عن العقاد، وهو كان مواعدني لما ينعرض الفيلم بسوريا يحط لي صورة كبيرة على باب السينما مثل ما حصل بأوروبا.

وأردفت: أنا طلعت وأنا ورا الكواليس قالوا إن العقاد لفوه بعلم سوريا قبل ما يدفنوه، فأنا شو بدي أطلع أحكي؟ هو بالنسبة إلي وصلني لشي أنا ما بحلم فيه، وطلعت حكيت للعالم إني قبل 20 سنة وعدني العقاد يحطلي صورة وقلت أنا وقت يجي ويتكرم بدي أزغردله ، قلت له "أويها ما أجملك، أويها لفوك بالعلم السوري يا مصطفى ما أجملك" وبعدين زغردت له وانا زغردت لأنه شهيد.