كان محاطا بالجن ويسمع أنفاسها.. شاهد: مغامر يروي قصة مرعبة أثناء تصويره في وادي الجن بقرية مهجورة بحائل

صحيفة المرصد: كشف المغامر مبارك الحافي قصص مرعبة حدثت في القرية المهجورة شمال حائل.

وقال الحافي: كانت عندي مغامرة ورا حايل، طلعت الجوال فيه برج واحد، والموقع بيني وبينه 15 كيلو، والشبكة خلاص بتقطع معي، وتركت سنابة كتبت فيها إذا أذن الفجر وأنا ما طلعت ترا موضوعي انتهى.

وتابع: كانت قرية كاملة بيوتها من طين فيها مسجد مهجور، وأنا كنت أسنب وأرسل ومافي شبكة، وخلصت الساعة 2 في الليل والمكان ما تسمع فيه شي.

وأضاف: الكلام اللي سمعته عن هذا الوادي إنه وادي ملئ بالجن وأي شخص يمر منه يغرز فيه فأقاويل الناس كثيرة منهم من يقول إنه تطلع له عجوز وغيره فحبيت أروح لهذا المكان.

وأردف: كنت أصور ما أشوف شي ولكن أسمع أصوات حركة بسيطة، ويجيني حصا صغيرة، أسمع أنفاس، وأصوات الذيبان، كنت أعرف إنهم حولي ولكن ما شفت شي، وبعد ما نزلت الفيديوهات يقولون لي أنت مجنون ما تشوفه قدامك واقف، يطلع الظل حق الجن ويروح وكان يتشكل على نفس المكان اللي أنا فيه.