"أعظم شيء حصل".. أول تعليق من عمرو أديب على سجن مرتضى منصور

وقال «أديب» في تعليق خلال برنامجه «الحكاية»، والذي يعرض عبر قناة «MBC مصر»، إن مرتضى منصور سلم نفسه طواعية فور صدور قرار المحكمة لتنفيذ حكم الحبس الصادر بحقه.

وتابع: "ناس كتير فاكرة إني هعمل فرح النهاردة بس أنا قلت رأيي في وجود مرتضى منصور. أنا قلت لمرتضى كل حاجة في وشه واتشتمت وأمي اتشتمت. عمري ما هتكلم على حد لا يملك الرد".

وأكمل: "الحكم جه من عند عليين، الناس كانت بدأت تيأس، كان ماشي في البلد إن ده ماحدش هيقربله ومين سانده، وفي لهو خفي، إذا كنت بتقولي إيه أعظم شيء حصل، المشهد اللي أنت شايفه - نقل مرتضى منصور إلى السجن -".

وأضاف:" الناس كان عندها شك كامل إنه لا يمكن حد هيلمس مرتضى منصور، هو نفسه قال مين ده اللي هيحكم عليا؟! ليس عندًا أو تطرفًا طبقًا للقانون هذا الرجل تمت معاقبته، ما حدث يؤكد أن مفيش حد على رأسه ريشة".